呢套絕對係令人入坑《鬼太郎》系列嘅最佳面向成人的作品！
《鬼太郎》系列年代久遠，
動畫每隔十年左右就會有新一作，
而且每季都會有少許故事相同設定或相近。
雖然小編入坑《鬼太郎》已經係小時候睇有線兒童台播放的第四作，
而今次電影係跟據2018年第六作設定來製作。
第六作最出名應該就係全新畫風嘅貓女，
眼珠老爹原聲優就因為當年配咗5作嘅田野中勇逝世，
改為當年頭兩作有為鬼太郎配音嘅野澤雅子所配。
而呢套劇場版作為鬼太郎之父「水木茂」誕生100周年紀念作當然無令Fans失望。
當日動畫第六作就有交代過，
鬼太郎當年係被叫水木嘅人類所救，
所以先會保持救助人類打倒邪惡妖怪，
估唔到係以劇場版方式嚟描述故事。

《鬼太郎》系列每集嘅妖怪都好有特色，
除咗令人更瞭解日本嘅妖怪文化，
講述故事往往都係發人深省。
今次嘅劇場版更加係代表作！
即使你有無接觸過《鬼太郎》呢個系列，
都絕對唔會影響你觀賞呢套劇場版，
不如話正正呢套電影就係大家入坑瞭解《鬼太郎》嘅好機會！
如果你本身係對《鬼太郎》有一定瞭解及興趣就更加一定要睇！
不過以往可以合家歡觀看的劇情，在這部劇場版就不太適用，
劇情對於人性的描寫及演繹絕對係一部面向成年人的作品。

－－－－－－－－少量劇透分隔線－－－－－－－－－

故事講述一直無交代當年鬼太郎父親嘅身世，
鬼太郎嘅誕生，
點樣變成幽靈族末裔而生存。
《鬼太郎誕生 咯咯咯之謎》完全滿足咗新入坑同舊Fans嘅要求！
故事發生喺昭和31年的哭倉村，
主角水木 因工作需要而要入村並進行秘密調查，
碰巧遇上鬼太郎父親為尋找妻子而進村。
而哭倉村由龍賀一族所支配並守護住他們不可告人家族成功嘅秘密，
就喺各自目的同思想交織下嘅哭倉村，
以及龍賀一族遂漸顯露黑暗嘅一面。
水木和鬼太郎父親因此展開命運嘅血與淚戰鬥，
兩人的堅持及原則，成為摯友嘅過程描寫得很細膩。
龍賀一族嘅故事更係完全演繹出古舊思想及人性黑暗面，
自傲地利用起妖怪嘅人類，不惜代價喪盡道德，
人類可以比起妖怪更可惡、更醜陋。
比起以前嘅單元動畫更黑暗更令人有深切感受。
而且最後更可以知道鬼太郎同眼珠老爹點樣誕生！！
絕對唔係一套普通動漫電影咁簡單。
值得一睇再睇去反思細味劇情！

再次感謝 Neofilms 新映影片 邀請我地觀賞咁精彩嘅《鬼太郎誕生 咯咯咯之謎》優先場！

水木茂誕生100周年紀念作！
《鬼太郎誕生 咯咯咯之謎》
3月7日正式上映！

#Neofilms #新映影片 #鬼太郎 #水木茂 #誕生100周年紀念 #關俊彥 #木內秀信 #石田彰 #閱毒報告