新作測試報告《聖獸之王》體驗版 – 測試平台為PS5
《聖獸之王》由Vanillaware(香草社)製打造的王道戰鬥模擬RPG遊戲。

遊戲將會喺2024年3月8日發售！
香草社嘅作品，
無論畫風、人設、故事鋪排等等，
一向都保持高水準。
如果唔講或者好多人未必知道，
《聖獸之王》最早出現嘅場面，
正正就係香草社上一隻人氣之作《十三機兵防衛圈》。
當初《聖獸之王》只係出現咗一條Trailer
喺《十三機兵防衛圈》嘅序章之中。
又點會估到呢個就係佢地鋪排嘅彩蛋之一。

《聖獸之王》雖然故事尚未完全可以遊玩，
設定上係王道復仇劇元素，
奸角瓦莫亞將軍，
突然主張自己是古代傑諾伊拉帝國的末代子孫，
所以發動叛變突襲王都。
而主角皇母伊蕾妮雅女王挺身阻止。
年幼被滅國且失去母親嘅王子主角「亞連」，
長大後得到代代相傳嘅王族神器「獨角獸戒指」！
意外發現原來可以解除瓦莫亞將軍對人類嘅洗腦。
遊戲就係玩家操控「亞蓮」遂步戰鬥解放，
吸納更多人加入組成解放軍。
決意解放被佔領嘅克盧尼亞王國等版圖並解放世界！

戰鬥及系統方面，
每個角色都有主動技及被動技，
行動速度亦會影響招式的次序。
除了主角特有職業「君王」，
隨著劇情發展還有60多種職業及角色，
每種職業都有其特性及剋制能力，
需要思考嘅編製及招式排序，
不同配合使得戰鬥變化極多。
而自由探索系統已經十分完善，
除了可以在地圖執拾道具，
仲可以一路做繳交任務幫助城鎮發展及強化，
遂步擴大自己領地，
對自己戰力亦有強化等作用。
自由探索地圖更會有支線任務等人物及劇情，
所以除咗主線王子復仇劇之外更有好多有趣劇情及人物出現。
令玩家絕對值得細味！

依家體驗版，
除咗開頭的序章劇情，
正式劇情將會限定5小時遊玩，
雖然一定會令玩家意猶未盡，
不過存檔都可以繼承到正式版！

以體驗版整體而言，
已經可以話期待度爆標！
令人急不及待想快啲深入瞭解世界及故事發展，
只能說香草社出品是真的不會令人失望！
未玩體驗版嘅玩家立刻試玩，
一齊期待3月8日正式推出！

#聖獸之王 #UnicornOverlord
#Vanillaware #香草社
#十三機兵防衛圈 #atlus #sega
#PS5 #Xbox #switch