《SEGA新創造球會2025》封閉測試簡評！
早前我地就參加咗《SEGA新創造球會2025》嘅封閉測試～
今集新一代創造球會，喺主要嘅創造球會模式包含咗香港聯賽在內有十幾個聯賽比你玩，帶領一隊球隊慢慢買人，或用訓練卡將特定球員訓練變強，直到拎冠軍為止。
過程中又會有各種唔同事件影響士氣狀態，能力值等，如果第一年贏唔到唔緊要，係每年一開頭，可以選定2名新球員加入，即是加強戰力。

至於新球員同訓練卡就係抽蛋機到出，由當代最強2位球員，C朗及美斯，日本快翼三笘薫，最新轉會到車路士既進攻多面手祖奧柏度都包含在內。
每位抽到返黎嘅球員，係育成前仲可以提升基礎能力值，進行培養，令加入球會時隨時已經成為神射手。

當培育完成後，系統會喺每一個賽季完成後，記錄你當前育成球員嘅最高分數，之後就可以係巡迴賽等PvP或挑戰模式中挑選排陣，進行比賽贏得道具。

經過呢次CBT後令人十分期待，鐘意戰術，育成向足球遊戲嘅朋友記得唔好錯過呢隻即將推出嘅遊戲啦！

文：ZERO

正式上線日 : 2025年 預定推出
價格 : 基本遊玩免費（部分道具需付費）
遊戲類別 : 運動培育模擬遊戲
支援語言 : 日文、英文、繁體中文、簡體中文、韓文、泰文、印尼文、阿拉伯文、
土耳其文、法文、意大利文、西班牙文

#SEGA #SEGA新創造球會2025