暌違17年小白再當主角　野原一家VS恐龍大暴走？！
《蠟筆小新劇場版：我們的恐龍日記》
8月9日香港日本首次同步上映
日語版 北村匠海、粵語版 洪嘉豪 參與聲演

繼去年首部3DCG大電影後，《蠟筆小新劇場版》今個夏天將回歸正統系列，並首次與日本同步，於8月9日迎來第31作《我們的恐龍日記》！今次除了是系列首次以「恐龍」為主題的超巨大作，更是小白在暌違17年後，再次當上劇場版的主角，與小新、春日部防衛隊，以及野原家的新成員．小恐龍拿拿一起展開夏日大冒險，與入侵東京的恐龍展開激戰！

故事大綱

就快踏入暑假，小新真係超級～興奮！更犀利嘅係呢個假期仲有一個震撼全世界嘅大消息——將絕種恐龍復活到現代嘅「恐龍樂園」將會喺東京開幕！春日防衛隊竟然仲受到特別邀請，可以一齊去參觀，又可以去世界矚目嘅「恐龍樂園」玩，又可以近距離見到巨大嘅恐龍，小新佢哋自然係超級無敵興奮！隨住樂園開幕，世界亦掀起一股恐龍風潮！

與此同時，小白喺春日部嘅河邊遇見一隻叫做「拿拿」嘅小恐龍。喺小新佢哋苦苦哀求下，拿拿正式入住野原家，同小新、小白一齊生活，創造出好多重要又特別嘅回憶。但正當小新享受緊呢個與別不同嘅暑假，恐龍竟然逃出咗恐龍樂園，湧入東京中心，甚至走入春日部！

到底呢場「恐龍之亂」可以點收科？拿拿身上又隱藏住咩重大秘密？

電影資料
原作：臼井儀人（らくだ社）
導演：佐佐木忍
編劇：Moral
聲演：
（日語版）小林由美子、楢橋美紀、森川智之、興梠里美、真柴摩利、北村匠海
（粵語版）王慧珠、譚淑英、黃志明、張彩虹、周恩恩、陳子瑩、姜麗儀、洪嘉豪
語言：粵語配音 / 日語原聲（中英文字幕）
片長：105分鐘
類別：動畫、冒險
上映日期：2024年8月9日