新作測試報告 – 測試平台為PS5 & PC

Ubisoft喺2017年E3就正式公佈呢隻遊戲。
《怒海戰記》係一款線上開放世界海盜動作角色扮演遊戲，
最初開發就係以Ubisoft另一個著名系列
《刺客教條》中的海戰系統作為參考製作並強化。
結果嚟到今年2月16日正式發售！
可以跨平台連線當然亦係賣點之一！

遊戲背景喺17世紀海盜橫行嘅印度洋。
玩家就係故事開始時，
一艘戰鬥中撞毀嘅大型海盜船中嘅一員。
海盜船長身亡，
船員們流落荒島，
只剩玩家帶同另外兩名船員決定再次出海。
玩家要作為船長，
提升惡名度，
完成更多唔同難度主線支線任務，
建立自己嘅新海上帝國！

作為開放世界加上海戰，
可以探索嘅地圖當然非常龐大，
雖然遊戲無《刺客教條》咁嘅人物動作戰鬥，
不過玩家可以自由探索廣闊的印度洋同無數大小島嶼。
而海盜船當然係遊戲中重要一環，
海盜船有分唔同類別如輸出型、防守型、支援型等。
加上可以自由配搭船上嘅裝備，
大炮、火炮、水雷、裝甲、設施等等。
為咗不同嘅戰鬥更換船隻，
一路為自己嘅海盜船強化。
而除咗裝備之外，
遊戲亦都有十分充足嘅船隻管理及設置系統，
玩家當然可以自定義船隻為自己喜好嘅裝飾。

線上模式之中，
玩家可以同朋友進行跨平台連線。
喺大海中一齊航行感受一同航海嘅樂趣，
途中亦會遇到其他線上玩家，
組隊人數為三人一隊。
雖然遊戲主要都係PVE為主，
但如果喺公海戰鬥被擊沉，
就有機會被其他玩家執拾物資！
不過組隊後大家就可以一齊攻打島嶼同船隊，
佔領更多物資。
跟據搵到嘅指示尋找寶藏，
同海軍或其他海盜戰鬥，
討伐被通輯嘅知名海盜，
甚至後期有對海怪同幽靈船嘅戰鬥！

整體遊戲性而言，
多人連線順暢並無斷線不順等問題，
遊戲雖然喺船隻整體操控上比較簡單，
但因為無小地圖顯示下，
反而令隊友好容易迷失於大海中。
不過華麗嘅畫面，
仔細嘅船隻設定，
海戰方面要面對唔同款式嘅海盜船同海怪，
令到樂趣亦都增加返唔少。
如果有興趣體驗一下海盜嘅樂趣，
不妨透過 Ubisoft+高級版訂閱遊玩完整遊戲。
第一季「怒浪兇潮」仲即將喺聽日2月27日免費推出！

#怒海戰記 # SkullandBones #怒浪兇潮
#Ubisoft #育碧
#PS5 #Xbox #PC