新作「搶先」測試報告 – 測試平台為Steam

3年磨一劍！

《幽影行者 2》（GhostRunner2）將於今日稍後正式發售！

《幽影行者》3年前推出嘅時候，

其獨特的硬核第一身砍殺遊戲，

極具挑戰性的硬核玩法，

加上Cyberpunk風格的場景及設定，

令遊戲瞬間喺一眾玩家中獲得好評！

3年後今日正式推出續作，

除咗保持爽快節奏風格，

今集仲加入咗唔同新要素，

為求令到遊戲節奏推進更出色更有挑戰性！

《幽影行者2》同前作一樣，

故事背景係世界末日後嘅Cyberpunk風格世界，

係第一集一年後嘅故事，

曾經喺前作主宰人類嘅Final Boss「Keymaster」

已經被主角Jack終結！

Jack摧毀咗達摩天塔，

嚟到塔外嘅廣闊世界，

原以為已經可以休息

點知外界充滿住AI邪教組織，

新一輪惡戰就等待住玩家嚟挑戰！

新一集帶嚟好多不同全新要素，

上集獨特嘅闖關戰鬥方式當然繼續沿用，

不過今集仲加入電單車戰鬥系統，

到達特定關卡Jack就會坐上今集新亮點之一嘅電單車。

喺全新嘅荒野地圖度迎接全新嘅車上戰鬥，

整個遊戲嘅刺激感同速度感更加大幅提升！

而且每關嘅挑戰系統加入咗好多唔同嘅玩法，

例如限時在特定路線跑圈等，

令玩法趣味同耐玩度大大提升，

地圖更增加咗如油桶呢類場景物品協助玩家過關！

遊戲亦有為玩家個人化系統重新定義，

如全新嘅外觀設定，

和一代不同的全新升級系統，

令到檔格等技能可以用得更得心應手，

即使係老玩家定第一次接觸本作嘅新手都完全唔係問題。

全新嘅互動式劇情主線設計，

今集製作組呢類作出嘅改變，

除咗令玩家可以更深入瞭解劇情，

而唔會好似上集咁，

一路推進一路講劇情而容易令人錯過，

種種新設定都務求令到玩家體驗更加個人化。

第二集雖然同第一集一樣充滿挑戰性，

但加入咗咁多新元素，

的確令原本創新嘅遊戲玩法，

更加有獨特性。

雖然有3D暈嘅玩家未必適合長期遊玩，

不過遊戲整體、系統及畫面細緻度，

甚至爽快刺激感比上集有過之而無不及，

新手老手都肯定會玩到腎上腺飆升！

原本上集喺Steam已經獲得極高評價，

今集絕對會令玩家有更加喜出望外嘅體驗。

整體遊戲評分：

遊戲性：⭐️⭐️⭐️⭐️⭐️

故事性：⭐️⭐️⭐️⭐️⭐️

困難度：⭐️⭐️⭐️⭐️⭐️

完整性：⭐️⭐️⭐️⭐️⭐️

耐玩性：⭐️⭐️⭐⭐️⭐️

推薦度：⭐️⭐️⭐️⭐️⭐️

（每項評分最高為五顆⭐️）

鳴謝505 Games！！

#ghostrunner

#ghostrunner2

#505games

#幽影行者

#PS5

#Steam